Шерон Стоун, американска актерка номинирана за Оскар и поранешна манекенка, во подкастот „Let’s Talk Off Camera“, даде шокантна исповед за сексуална злоупотреба на самиот почеток на нејзината кариера.
Имено, актерката детално ја опишала својата приказна за сексуалното вознемирување од страна на директорот на Sony Pictures во 80-тите, „Ги извади гениталиите токму пред моето лице. Бев многу млада, а кога сум нервозна почнувам да се смеам, па тогаш го направив тоа“, изјави Шерон.
Таа додаде дека почнала да плаче по неколку моменти, станувајќи хистерична се додека неименуваниот филмски режисер не излегол од канцеларијата, а славната актерка била изведена од секретарката.
Стоун не прецизираше кој директор на Sony Pictures ја малтретирал, но The Wrap забележува дека студиото е основано во 1987 година и моментално го водат Питер Губер и Џон Питерс.
Оваа талентирана актерка разговараше за овој инцидент во јануари 1992 година во списанието Movieline, кога спомна дека била малтретирана во Холивуд.
„Првиот пат кога одбив директор на студио кој сакаше да спие со мене, тој врескаше: „Никогаш повеќе нема да работиш во овој град“ и мислев дека тоа беше смешно во тоа време. Но, кога познатиот продуцент го отвори патентот и почна да го вади пенисот за време на состанокот, помислив дека тоа е најсмешното нешто што сум го видел“, изјавила холивудската убавица.