Олеснете ја непријатноста
„Helicobacter pylori“ е вид на бактерија која го населува дигестивниот систем и е причина за стомачни инфекции.
Станува збор за спирална бактерија која се наоѓа во долниот дел на желудникот и се смета за причина за воспаление на желудникот, чир на дванаесетпалечното црево и поретко на желудникот.
Корен од сладок корен
Овој корен често се користи во народната медицина за чир на желудникот, а студија чии наоди беа објавени во 2020 година покажа дека има антибактериско дејство и помага за елиминирање на бактериите.
Се вели дека коренот од сладок корен делува така што помага да се спречи H. pylori да се залепи на клеточните ѕидови, како и дека помага во заздравувањето на чиревите.
Може да го подобри варењето и да го намали рефлуксот на желудочната киселина, но дефинитивно најдобро е да разговарате со вашиот лекар за тоа дали треба да го користите овој корен.
Зелен чај
Научна студија од 2020 година, спроведена од Универзитетот за медицински науки во Табриз, покажала дека средство за плакнење на уста направено со екстракт од зелен чај е ефикасно во спречувањето на растот на оваа бактерија.
Куркумин
Оваа активна состојка која се наоѓа во куркумата е антиоксиданс со моќни антиинфламаторни својства.
Студијата на експерти од Медицинскиот факултет во Краков објавена во 2019 година во Меѓународниот весник за молекуларни науки покажа дека куркуминот може да го намали воспалението и да спречи H. рylori да продре и да ги оштети стомачните клетки.
Утврдено е дека делува и така што го подобрува протокот на крв во пределот на стомакот и помага во заздравувањето на оштетеното желудочно ткиво.
Meд
Утврдено е дека медот има и антибактериско дејство и е корисен кај оваа бактерија, а едно од истражувањата кои го потврдуваат тоа е она што го спровеле експерти од Државниот универзитет во Малезија.
Не е докажано дека може целосно да ја отстрани од телото, но може да го забави понатамошниот раст на бактериите, а истражувачите забележуваат дека се потребни повеќе студии на оваа тема.