Густата крв или хиперкоагулабилноста е состојба кога крвта е погуста и леплива отколку што треба. Ако некој има проблем со хиперкоагулабилност, тоа значи дека тој е повеќе склон кон формирање на згрутчување на крвта, односно тромбови, кои се најголемите виновници за појава на срцев или мозочен удар. Густата крв може да влијае на снабдувањето со кислород во телото, да ги спречи хормоните и хранливите материи да стигнат до ткивата и клетките.
Премногу густа крв може да биде присутна од раѓање или да се развие подоцна во животот на една личност. Овој феномен е предизвикан од премногу црвени и бели крвни зрнца, како и вишок на тромбоцити. Причините можат да бидат премногу крв во циркулација, но и специфични болести како лупус или полицитемија вера.
Симптоми на оваа состојба се чести главоболки, заматен вид, висок крвен притисок како и постојано чувство на замор. Црвенило се забележува на кожата на лицето, стапалата и рацете. Многу често, пациентот чувствува непријатност по туширање, во форма на силно чешање. Симптоми може да бидат и чести крварења од носот, како и појава на модринки на кожата.
Во случај на појава на вакви симптоми, многу е важно што поскоро да се јавите на лекар, бидејќи густата крв може да доведе до формирање на тромб и блокирање на крвните садови. Третманот се заснова на лекови за разредување на крвта, како и често крвавење – флеботомија. Потребен е постојан медицински надзор.