Урмите и другите намирници богати со оксалати треба да ги избегнуваат луѓето со потврдено присуство на камења во бубрезите, како и бубрежно болните, бидејќи урмите содржат и високо ниво на калиум, вели ендокринологот д-р Тијана Дангубиќ.
Има се повеќе рецепти за правење десерти во кои наместо шеќер се додаваат поголеми количини урми. Стана тренд кој често се гледа на социјалните мрежи, без разлика дали е добро или не, како и кој треба да биде особено внимателен со урмите, говори ендокринологот д-р Тијана Дангубиќ.
– Урмите се богати со шеќер, но имаат и многу влакна, па гликемискиот индекс им е малку понизок од шеќерот, но од друга страна, неконтролирана употреба на урмите може да доведе до зголемување на шеќерот во крвта кај лицата со нарушувања на метаболизмот на гликозата, до нагло зголемување на инсулинот кај лица со инсулинска резистенција и до појава на оксалатни камења во бубрегот кај лица кои се склони кон тоа – објаснува ендокринологот.
Калориска бомба
Оксилатите се соединенија кои формираат кристали и можат да се таложат во различни делови од телото како што се коските, крвните садови, централниот нервен систем, периферниот нервен систем, рожницата и тироидната жлезда. Многу често тие реагираат со тешки метали, како жива и олово, кои потоа се таложат во ткивата, зголемувајќи ја токсичноста на организмот.
– Една урма содржи дури 24 мг оксалат, а во инаку дозволена е дневна доза не повеќе од 40-50 мг оксалат, што е само две поголеми или три помали урми – предлага д-р Дангубиќ.
Урмите и другите намирници богати со оксалати треба да ги избегнуваат луѓето со потврдено присуство на камења во бубрезите, како и бубрежно болните, бидејќи урмите содржат и високо ниво на калиум.
– Важно е да се нагласи и дека имаат многу калории, поточно две поголеми урми имаат и до 110 калории, затоа е подобро гојазните луѓе да ги избегнуваат или да ги земаат во многу мали количини – вели ендокринологот.