Популарната пејачка и актерка Џенифер Лопез го искористи последниот момент пред Божиќ за да оди на шопинг со својата мајка. За таа прилика избрала стајлинг кој донекаде ги изненадил сите кои ја следат поради нејзиниот модерен и совршен стајлинг.
Бидејќи сакала нешто удобно и практично, Џеј Ло се одлучила за тексас, и тоа не било каков. Таа носеше широки фармерки, кои беа „валкани“. Новиот тренд во модната индустрија носи вакви парчиња не само кога се работи за фармерки, туку и други делови од облеката, како чорапи, маици и слично.
Многумина погледнаа неколку пати за да видат што е тоа што го облекла Џенифер, а се чини дека на нејзините обожаватели ова парче облека баш и не им се допадна. Иако во тренд, ова парче изгледа необично, валкано, па предизвика негативна емоција кај многумина.
Џеј Ло изгледа не се грижи за коментарите, но ја следи модата во чекор и се труди секогаш да биде во тренд, дури и ако тоа бара од неа да носи „валкани“ фармерки.
Со ова ни малку примамливо парче облека, таа искомбинира широк џемпер на Емилио Пучи, кој е направен од чист кашмир, како и чизми Gianvito Rossi во крем боја и зелената чанта Хермес Биркин, која на целиот аутфит му даде допир на шарм.
Кафеавата коса пејачката ја собра во лежерна пунџа од која извади неколку долги прамени од предната страна, преку лицето. На лицето имаше дискретна шминка која го истакнуваше нејзиното негувано и убаво лице.
Џеј Ло брзаше и не беше расположена за фотографирање, шетајќи се својата мајка Гвадалупе Родригез низ улиците на Лос Анџелес.