За кожата на пазувите да биде секогаш мазна и чиста, потребно е да и посветите доволно внимание. Дали страдате од иритација после депилација? Размислете – дали вложувате барем мал дел од времето што го поминувате во грижата за убавината на вашето лице и деколте?
Особено е важно да се грижите за ова во текот на летото, кога зголеменото потење може да доведе до иритација. Затоа, применете го советот на дерматологот за кожата под пазувите секогаш да биде здрава и убава.
За почеток, редовно правете пилинг. Доволно е да се прави еднаш неделно, со тоа што е подобро да се користи нежен хемиски пилинг. Механичкото „чистење“ со фини зрна може да биде премногу силно и да предизвика микро-гребаници на кожата.
Друго златно правило за нега е хидратацијата. Редовното нанесување на хидратантен крем – по можност оној што го користите за деколтето – ќе даде резултати за само неколку дена. Имајте на ум дека хидратацијата е најважна после бричење, а на пазарот има производи со состојки кои ја смируваат иритацијата.
Третото и најважно правило – колку и да брзате, не прибегнувајте кон „суво“ бричење. Влакната под пазувите може да изгледаат тенки, но секогаш е неопходно да се омекнат со топла вода. Потоа нанесете крем или гел за бричење и користете брич со кој е чист и остар. Завршете со темелно плакнење, нежно исушете ја кожата со тапкање со мека крпа и нанесете хидратантен крем.