За добар летен стил, вистинските модни експерти почитуваат неколку модни правила кои многу дами, најчесто несвесно, повеќе пати ги прекршуваат во текот на летото.
Кои се најчестите модни грешки кои скоро сите жени ги прават во текот на летните месеци?
- Бираат погрешни материјали
Сите имаме облека од синтетички материјали, но во текот на летото кожата послабо дише под тие материјали и поради тоа значително повеќе се потиме.
Летната облека треба да биде лесна и прозрачна. Памук, лен, свила и шифон се најдобрите пријатели во текот на летните денови.
- Носат погрешна долна облека
Во текот на летото најдобро е да носиме посоодветна долна облека. Бојата исто така е важна, ако долната облека се гледа низ лесната летна облека, целиот изглед делува невкусно. Затоа, избегнувајте црна долна облека во лето.
- Купуваат облека со погрешен број
Сте налетале на распродажба и во последен момент сте купиле парчиња облека, мислејќи дека ќе ослабете до следното лето. Сега, сите тие парчиња облека се во некој далечен агол во орманот. Затоа секогаш треба да процените што купувате, ако облеката навистина ви стои добро, секоја комбинација ќе изгледа одлично. Не купувајте погрешни броеви.
- Премногу модни додатоци
Во лето носиме очила за сонце, а потоа може да додадеме и малку накит, шешир, чанта, паричник. И веќе звучи како да сме пренатрупани со работи, па затоа добро размислете кој моден додаток навистина ви е неопходен.