Принцот Хари крена голема прашина во светската јавност со долгоочекуваните мемоари „Spare“.
Беа упатени многу сериозни обвинувања, од тоа дека неговиот брат Вилијам физички го нападнал, до шегите на Чарлс за татковството, кавгата меѓу Кејт и Меган, за попатно војводата од Сасекс да ја искористи можноста да признае дека користел кокаин, убил 25 талибанци и мислел прво дека неговата мајка ја лажирала нејзината смрт.
Она што го дознавме и од мемоарите е дека неговата сопруга Меган Маркл дефинитивно не го пребарувала кралското семејство, за што понекогаш се шпекулираше, а многумина не ѝ верувале дека не знае кој е Хари, дека треба да ѝ се поклони на кралицата Елизабета Втора и слични работи.
Во книгата „Spare“, Хари откри дека Меган била изненадена што морала да ѝ се поклони на кралицата Елизабета Втора и дека поранешната сопруга на принцот Ендрју, Сара Фергусон ја научила како да го прави тоа.
Хари открива дека Меган се поклонила совршено и дека во собата биле принцезата Јуџин, нејзиниот тогашен вереник Џек, Сара Фергусон, кралицата Елизабета Втора и принцот Ендру.
– Миг подоцна Мег ме праша нешто за помошникот на кралицата. Ја прашав за кого зборува – пишува принцот Хари и додава што потоа Меган го прашала.
– Тој човек ја држи чантата. Тој човек кој ја одведе до вратата. Тоа не беше нејзиниот помошник? Кој беше тоа? – прашала Меган, а Хари потоа и објаснил дека станува збор за неговиот вујко и син на кралицата, принцот Ендру.
– Дефинитивно не нѐ гуглала – заклучил Хари во својата книга.