Планетарно популарниот Дејвид Гета потврди дека го чека своето прво дете со девојката Џесика Ледон.
Тој на Инстаграм објави слики од црвениот тепих на кои Џесика гордо позира во зелен фустан, додека во прв план беше нејзиниот труднички стомак.
– Имаме голема вест за вас, најголемата најава оваа година – напиша Дејвид во описот.
Иако убавата манекенка беше осудена од многумина, па се зборуваше дека го развела Дејвид од неговата сопруга Кети, со која беше во брак 20 години, се чинеше дека не и е грижа за тоа, а таа уживаше во љубовта со него и среќно објави фотографии .
Меѓутоа, она што многумина го осудија, а се споменува и денес е разликата во години, бидејќи се работи за разлика од 24 години. Тие се заедно веќе околу 10 години, но во времето кога стапија во врска, Дејвид имаше 45 години, додека манекенката само 21 година, што на многумина им „привлече“ погледи.
Со текот на времето стигнаа проблемите во рајот, па минатата година во октомври следеше раскинување.
Убавата манекенка утеха најде во ријалити ТВ, додека Дејвид настапуваше низ целиот свет. Според извештаите, една од причините за раскинувањето е тоа што Дејвид повеќе не верувал во брак, додека на сите им било очигледно дека Џесика многу го сака тоа.
Исто така, се појавија информации дека на славниот диџеј му треба малку живот на самец, по кој копнеел.
Сепак, таа приказна има среќен крај и оваа година на Денот на вљубените се помириле, а сега како круна на љубовта пристигнува нов додаток во семејството.
