Повеќето од нас пред некоја свечена пригода, како што е новогодишната ноќ, бараат диета за брзо слабеење. Дисциплинираните се откажуваат од нешто само за да се стопи стомакот и да се намалат колковите за кратко време, а сметката за тоа ја плаќа здравјето. Американското здружение на нутриционисти предупредува дека не треба да се шегувате со рестриктивните диети. Тие предлагаат диета со суви сливи кои ќе го забрзаат метаболизмот, а нема да го ослабат имунитетот.
Сувите сливи се исклучително богати со диетални влакна, се препорачуваат како главна состојка во многу брзи диети бидејќи можат да ве „ослободат“ од два до три килограми за краток временски период.
Освен влакна, ова овошје содржи и антиоксиданси, бета каротин, витамин Е и Ц, како и минерали, бакар и калиум.
Диетата со суви сливи препорачува внесување на шест суви сливи по порција, кои ви обезбедуваат околу 15 грама шеќер – фруктоза и гликоза и околу 25 грама јаглехидрати.
Плодот на сливата е исклучително богат со состојки кои ќе го зајакнат вашиот имунитет. Интересно е што четвртина чаша сливи обезбедува околу 20 отсто од дневните потреби за витамин А и 15 отсто за диетални влакна.
Пример мени:
Појадок: шест сливи
Ужина: едно свежо јаболко
Ручек: виршли и варено јајце
Ужина: повторете го ручекот
Вечера: чаша нискокалоричен јогурт