Нов проект поврзан со светот на Џон Вик доаѓа на платформата Peacock оваа есен. Мини-серијал „The Continental: From the World of John Wick“, во кој ќе се прикаже приказната за хотелот Континентал, познат како хотел за убијци од серијалот за Џон Вик. Дејствието го следи младиот Винстон Скот во Њујорк во седумдесеттите години на минатиот век додека се пробива низ „криминалното подземје“ до позицијата менаџер на хотелот Континентал, каде што дури и убијците можат да се опуштат, а единственото правило е дека таму не смее да се убива. Винстон Скот го игра Колин Вудел, додека Мел Гибсон се приклучи на актерската екипа во главната улога на Кормак.
Официјалниот трејлер го прикажува Кормак, тогашниот менаџер на хотелот Континентал, кој во серијата го игра Мел Гибсон, како му дава задача на Винстон – да пронајде предмет украден од хотелот од братот на Винстон, Френки. Кормак го смета украдениот предмет за многу важен, па Винстон тргнува во потрага по својот брат и му помага да избега од лутиот Кормак.
Мини-серијата ќе се фокусира на историјата на иконскиот хотел за атентатори од светот на Џон Вик преку очите и постапките на младиот Винстон Скот, кого во серијата го игра Колин Вудел, додека во филмовите го игра Иан Мекшејн.
Продуцентот на серијата, Басил Иваник, истакна дека серијата конечно ќе обезбеди простор за истражување на познатите ликови и причините зошто тие станале тоа што се и како хотелот Континентал станал центар на криминалниот свет. „Скриените пораки ќе ги воодушеват тврдокорните фанови на Вик“, објасни Иваник.
Заедно со Колин Вудел и Мел Гибсон, во актерската екипа се Ајомид Адегун, Мишел Прада, Бен Робсон, Хуберт Поинт-Ду Жур, Нхунг Кејт, Џесика Ален, Џереми Боб и Питер Грин.
Оваа серија не е единствениот спин-оф во франшизата. Следното лето се очекува спин-оф филмот „Ballerina“ со Ана де Армас во главната улога. Дејството на филмот е сместено во периодот меѓу третиот и четвртиот филм за убиецот Џон Вик, а неговата улога ќе ја репризира Кијану Ривс, кој сепак нема да се појави во мини-серијата „The Continental“. Серијата пристигнува на Peacock на 22 септември.