Сите знаеме колку е важен континуираниот сон за здравјето, секојдневното функционирање… Сега британските научници дојдоа до нови сознанија.
Имено, студијата спроведена од тим научници од Лондон покажа дека редовното наоѓање време за малку сон во текот на денот е добро за мозокот и му помага да остане поголем подолго време.
Мозокот на луѓето кои имале дремки во текот на денот бил поголем за 15 кубни сантиметри, што е еквивалентно на одложување на стареењето меѓу три и шест години, јавува Би-Би-Си.
Спијте, но помалку од половина час
Научниците препорачуваат оваа дремка да биде пократка од половина час, но кратката дневна дремка е предизвик за секоја кариера бидејќи е доста тешко да се спие на работа.
Дневните дремки се важни за бебињата, тие стануваат поретки со текот на годините, а луѓето повторно почнуваат да спијат во текот на денот кога ќе се пензионираат.
Инаку, 27 отсто од луѓето над 65 години се опуштаат дремејќи во текот на денот.
– Предлагаме дека секој потенцијално може да доживее некаква корист од дремките – изјави научникот Викторија Гарфилд.
Таа рече дека следењето на советите за кратка дневна дремка е многу полесно отколку, да речеме, слабеењето или вежбањето, кои се тешки за многу луѓе.
Мозокот природно се намалува со возраста, а дали дневниот сон може да спречи болести како што е Алцхајмеровата болест, останува прашање за друга студија, наведува Би-Би-Си.