И покрај фактот дека редовното туширање се смета за основна хигиенска практика, постојат луѓе кои тврдат дека прескокнувањето на туширањето е всушност подобро за здравјето на кожата.
Повеќето луѓе ја одржуваат хигиената со редовно туширање, освен ако не се во природа или не можат да се тушираат поради некоја друга причина. Општи препораки се туширање еднаш дневно во потоплите месеци од годината, додека во зимските месеци доволно е туширање еднаш на два дена за да се избегне прекумерно сушење на кожата.
Сепак, постојат и други мислења, особено кај луѓето кои тврдат дека кожата има своја природна заштита во вид на себум кој го одржува здравиот сјај и pH рамнотежата, па според нив, миењето треба да се сведе на минимум, само кога е неопходно.
Токму како резултат на неколкудневно прескокнување на туширање, тим научници решиле да проверат за да ја дознаат вистината – дали има некаква штета во секојдневното туширање?
Лошите бактерии создаваат нерамнотежа
Човечката кожа е природно населена со бактерии (дури 1.000 различни видови) и габи (дополнителни 80 видови). Повеќето од овие микроби се корисни за нас и помагаат во борбата против штетните.
Сапунот и водата им помагаат на добрите бактерии да се борат против опасните микроби, а без нив, нашето тело станува поподложно на разни инфекции и хигиенски проблеми од бактериите што ги носиме од секаде – како што се јавен превоз, спортски сали, работни места и контакт со други луѓе, пишува Бизнис инсајдер.
Нетуширањето може да ја оштети кожата
Кога не се миете, на вашата кожа се таложи себум и нечистотија, што може да предизвика затнати пори и воспаление во форма на мозолчиња и иритација. Ова е особено точно за оние кои страдаат од различни форми на егзема, бидејќи избегнувањето на миење може да ја влоши ситуацијата. Исто така, постои официјална медицинска состојба поврзана со кожа со занемарена хигиена, позната како „дерматитис неглекта“.
Мирисот неизбежно се појавува
Докажано е дека најинтензивната последица од нетуширањето, како и онаа што се појавува прва, е непријатниот мирис. Без разлика на количината на активност, човечкото тело секогаш произведува пот, што е еден од начините за исфрлање на токсините од телото. Бактериите кои се размножуваат на кожата во таква ситуација произведуваат гасови бидејќи консумираат протеини и масни киселини, а тоа произведува дури 30 различни мириси, во зависност од исхраната и хормоналниот статус на поединецот.