Ви претставуваме едноставен рецепт за домашна маска за коса
Маската за коса од квасец е добра за сите типови коса, без разлика дали е сува или мрсна. Сепак, nejzinite предности се особено забележливи во случај на коса што опаѓа и кога сакате косата да ви расте побрзо.
Пред сè, квасецот е богат со некои витамини и минерали за коса кои се неопходни за здрав скалп и за раст и зајакнување на косата: витамини од Б комплексот, цинк, железо и бакар.
Витамините од Б комплексот го негуваат фоликулот на влакното и се сметаат за број еден кога станува збор за зајакнување на коренот и растот на косата. Квасецот за коса е добро решение бидејќи е богат со витамини Б1, Б2, ниацин, витамин Б6, фолати и пантотенска киселина. Некои од овие форми на витамин Б ја негуваат косата, некои помагаат да расте (како фолна киселина), а некои се смета дека спречуваат предвремено побелување.
Железото е исклучително важно за да имате здрава коса која не опаѓа бидејќи внесува кислород до самите корени на влакната и на тој начин ја храни. Од друга страна, минералите како бакар, цинк и селен се неопходни за самиот корен на косата како и за здравјето на скалпот. Ако на вашето тело му недостасуваат овие минерали, едно од местата на кое ќе ги покаже е скалпот. Најчестите проблеми што се јавуваат се првутот, сувиот скалп и себореичниот дерматитис.
Една маска за коса од квасец нема да ги реши вашите проблеми засекогаш, но неколку од нив сигурно ќе ги решат.
Како да користите квасецот за коса?
Ако очекувате еднаш да направите маска од квасец за вашата коса и да забележите дека таа добила сјај, волумен или некоја друга драстична промена, тогаш се лажете. Тоа дефинитивно нема да се случи. Во основа, ненадејните промени на косата не се невозможни, но бараат некои агресивни методи и третмани кои на крајот ја оштетуваат косата. Затоа не се ни пожелни.
Обележете го датумот на вашиот календар кога сте започнале. Користете ја маската од квасец еднаш неделно. Повторете го третманот 15 пати. Со други зборови, ваквиот третман на косата треба да трае континуирано најмалку 3 месеци. После тоа време, дефинитивно ќе видите промени на вашата коса, како во нејзината должина, така и во нејзиниот сјај и изглед.
По три месеци од третманот, направете пауза која ќе трае исто толку време. После тоа време, можете да го повторите третманот доколку сметате дека е неопходно.