Циметот се смета за еден од најстарите зачини. Наиде на широка примена во готвењето, се користи илјадници години низ целата планета, почнувајќи од античка Грција и антички Египет.
Домаќинките и денес користат цимет во кујната, но можеби не се свесни колку всушност е здрав.
Циметот содржи цинамалдехид, соединение кое му дава карактеристичен мирис и вкус на зачинот, а се вели дека дава бројни здравствени придобивки.
Според Today, ова се три причини зошто треба да користите цимет:
1. Дијабетес
Циметот има значително влијание врз шеќерот во крвта. Сепак, важно е да не се претера. Иако студиите покажуваат дека циметот може да го намали нивото на шеќер и холестерол во крвта кај луѓето со дијабетес, сепак треба да го користите во нормални дози.
Ако го консумирате во прекумерни количини, може да има штетни ефекти, како што е прекумерно намалување на шеќерот во крвта.
2. Помага при слабеење
Веруваме дека неколку пати прочитавте дека секое утро на празен стомак треба да пиете лимонада со малку цимет, бидејќи на тој начин го забрзувате метаболизмот. Иако е точно дека овој зачин може да помогне во намалувањето на гликозата во крвта, тој нема ефект на магично стапче кога станува збор за слабеење.
Сепак, со само шест калории и два грама јаглени хидрати по лажичка, можете да зачините различни јадења со многу малку калории. Една лажичка цимет содржи и еден грам влакна, што е уште еден бонус за секој што се обидува да изгуби тежина.
3. Нега на кожата
Експертите тврдат дека антибактериските својства на циметот се одлични за чистење на акните бидејќи ги уништуваат бактериите кои ги предизвикуваат. Овој зачин има и антибактериски својства, но може да предизвика иритација, особено околу чувствителните области на устата и очите, па затоа е важно да бидете внимателни.