Манекенката Емили Ратајковски (32) беше забележана во Њујорк во провокативен летен фустан и длабоки зимски чизми.
Емили беше фотографирана во Њујорк на пат кон „Sony Studios“ за да го сними својот подкаст.
Таа носеше макси фустан со прерамки, многу длабоко деколте и длабок шлиц. Фустанот со необичен, дискретен дезен го искомбинира со чизми до колена со високи потпетици.
Деколтираниот шик фустан имаше интересен детаљ – женствени карнери на едната страна. Емили одлучила да не стави никаков накит. Таа избра минимална шминка и го сокри лицето зад големите црни очила за сонце.
Носеше и мала летна чанта во беж боја и ја пушти слободно да паѓа негуваната долга кафена права коса.