Сите грешиме кога е во прашање негата на кожата. А кои се најчестите грешки во утринската рутина кои лошо влијаат на кожата?
Обидете се веднаш да им ставите крај на лошите навики кои повеќето од нас ги повторуваат речиси секое утро, бидејќи тие воопшто не се пријатни за кожата. А ако продолжиме да ги повторуваме, може да предизвикаат акни, митесери, комедони… Малите промени во утринската рутина за нега на кожата можат да направат голема разлика и драстично да ја подобрат состојбата на кожата.
Не ја чистите кожата после спиење
Тони литература е напишана за тоа дека не можете да одите во кревет без да ја отстраните шминката. Но, малку се зборува за тоа дека наутро миењето на лицето со топла вода не е доволно. Секакви работи се акумулираат на површината на кожата во текот на ноќта. Бидејќи ова е орган кој непрекинато функционира 24 часа на ден, утринското влажно чистење нема да му наштети. Подобро е да користите пена или други производи со лесна текстура, а масла за чистење, тоници, креми и балсами оставете ги за навечер.
Користите пилинг наутро
Пилингот е неопходен и треба да се користи периодично – 1 до 2 пати неделно (или уште поретко) во зависност од видот на пилинг и типот на кожата. Но пилинг не треба да се прави наутро, туку навечер. Имено, некои козметичарки сметаат дека производите кои треба да се нанесат по пилинг се посоодветни за вечер отколку за утринска рутина.
Се туширате со премногу топла вода
Ако се туширате веднаш по будењето, тоа треба да биде со што е можно поладна вода (но не мора да биде ладно). Контрастното туширање (наизменично туширање со топла и ладна вода) е најдобро, бидејќи на тој начин се оживува целото тело и се забрзува циркулацијата.
Гелот за туширање овде игра важна улога, не неговите својства за чистење, туку аромата што ја шири. Сетилото за мирис игра многу важна улога во емотивниот живот: нотите од портокал, лимон, мандарина, смоква, вербена, свежи билки и нане ќе го создадат вистинското расположение за целиот ден и ќе ви помогнат целосно да се разбудите.