Металик боите, првично резервирани за празничната сезона, сега влегуваат во секојдневната гардероба. Мора да признаете, светкавите стајлинзи никогаш не изгледале подобро.
Секоја година неколку бои означуваат одредени годишни времиња. Без разлика дали е пролет/лето или есен/зима, металик и сребрените нијанси, кои сме навикнати да ги носиме во свечените пригоди, ќе дадат толку посакуван хроматски шмек во следните неколку сезони.
Препуштете се на диско треската во вас! Ако не сега, тогаш следното лето ќе биде во нијанси на треперливо сребрено, кое ќе го засакаме во сите негови форми. Парчињата со футуристичко чувство и речиси научно-фантастичен импулс доаѓаат во различни форми, од кроп топови, парчиња со речиси уметнички детали, ултра секси слип фустани, панталони со светки до комбинезони за жени и мажи.
На модните писти на машката модна недела за пролет/лето 2024 година, некои дизајнери ја потврдија својата опсесија со бојата на алуминиумот. Кај Ami панталоните се впечатливи и надополнети со многу светки. Dries Van Noten го прифаќа овој тренд со варијанта на шарена кошула, Marine Serre нуди модел на кабаница директно од иднината, а ERL ја претставува целата своја колекција во металик бои.
Посакуваниот сребрен тренд веќе зема замав минатата сезона, инфилтрирајќи се на модните писти на модните куќи како Blumarine, Diesel или Gucci чие палто со сребрени конци е незаборавно парче.
Храбро посегнете по парчиња што се истакнуваат на полиците и закачалките. Изборот е навистина голем, па дури и тврдокорните класичари успеваат суптилно да блеснат со парчиња облека како сребрен топ или тесна маица. Најпопуларното парче во металик нијанса е дефинитивно миди здолништето, било да е тесно или широко, кое ќе го издигне секој стил, а штом го добиете, подеднакво ќе го носите и во дневни и во вечерни верзии. За оние кои се модно бестрашни, има металик панталони или вечно предизвикувачките сребрени фустани.
