Професор по клиничка микробиологија, Филип Тиерно откри дека сунѓерот за садови е најподложен на бактерии, што го прави највалканиот предмет во куќата.
Сунѓерот е уште повалкан од седиште на тоалетнта школка или корпата за отпадоци.
– Сунѓерот има многу набори и пукнатини, така што секогаш кога ќе чистите со него, во тие вдлабнатини остануваат патогени микроорганизми. Луѓето го плаклнат сунѓерот мислејќи дека го чистат, а всушност треба да го дезинфицираат – објаснува д-р Филип Тиерно, професор по клиничка микробиологија од Њујорк, автор на книгата „Тајниот живот на микробите“.
Секој пат кога користите сунѓер за миење садови, остатоците од храна завршуваат во мали пукнатини, каде што можат да останат долго време, дозволувајќи им на бактериите да се развијат. Покрај тоа, сунѓерот е речиси секогаш влажен, што го прави идеално место за развој на опасните бактерии кои се размножуваат на секои 20 минути. Посебно внимание треба да се посвети на бришењето на даските на кои сечете месо, како пилешкото, бидејќи во овој случај има поголеми шанси за развој на опасната бактерија салмонела, особено во летните месеци.
Сепак, дури и зеленчукот и овошјето не се безопасни, бидејќи често ја содржат бактеријата ешерихија коли, која може да предизвика разни видови инфекции. Најдобар начин за чистење и дезинфекција на сунѓерот е со варикина, измешан со вода (во сооднос 1:9). Потопете го сунѓерчето во овој раствор 10 до 30 секунди.