Во секоја врска, одредена количина на љубомора е сосема нормална и природна. Меѓутоа, кога е претерана или неконтролирана, доаѓа до големи проблеми, а со текот на времето, и до раскинување.
Секој кој покажува многу љубомора се обидува да ја оправда таа љубомора со заљубеност. Сепак, постои голема разлика помеѓу занесот и љубомората и начините да препознаете кога е едното, а кога е другото.
Љубомора: Постојано ве сака само за себе и се лути кога се дружите со други.
Љубов: Ве сака за себе, но сфаќа дека не можете секогаш да бидете единствено негови.
Љубомора: Секогаш се сомнева во најлошото кога ќе ве види како комуницирате со некого.
Љубов: Ви верува дека сте со него затоа што сакате да бидете со него и знае дека нема да престанете да разговарате со луѓето поради него.
Љубомора: Ве проверува „затоа што ве сака“:
Љубов: Ви верува затоа што ве сака.
Љубомора: Очекува да се однесувате на одреден начин сега кога сте со него.
Љубов: Ве прифаќа такви какви што сте, се заљубил во таа личност.
Љубомора: Полудува кога не му се јавувате.
Љубов: Знае дека ќе се јавите кога ќе можете.
Љубомора: Има испади поради луѓето кои комуницираат со вас преку социјалните мрежи.
Љубов: Сфаќа дека не секогаш имате влијание врз она што другите го прават и ви верува.