Не ја мијте косата премногу често и направете пилинг секогаш кога можете
Во последните неколку сезони, кратката коса и фризурите како шармантен боб дефинитивно го најдоа своето место во светот на убавината, но полека чувствуваме дека доаѓа заситеноста и се враќаме на старата желба за долга, густа и сјајна коса, која за многумина е недостижен сон.
Како да се поттикне растот на косата?
Иако растот на косата најчесто се препишува на генетиката, тоа не значи дека не можете да го забрзате нејзиниот раст, а освен неколку клучни трикови кои не се на одмет, подеднакво е важно да се вооружите со трпение и одлични производи!
Она што го сакаме кај долгата коса се бескрајните можности за стилизирање, па секој ден можеме да имаме различна фризура и бескрајно да експериментираме со неа.
Упорноста и трпението се најважни кога ја оставате косата да порасне, бидејќи тоа е процес во кој резултатите не се постигнуваат преку ноќ, но и покрај тоа, можете барем малку да го забрзате со примена на одлични трикови кои и одговараат на косата.
Правилната исхрана е клучна за растот на косата
Како и сè на нашето тело, намаленото опаѓање и побрзиот раст на косата се поврзани со правилната исхрана. Затоа, збогатете го вашето дневно мени со свеж зеленчук и овошје, јаткасти плодови и намирници кои се богати со витамини, минерали и здрави масла, како што е рибата, што многу ќе влијае на изгледот на самата коса. Доколку не сте почнале со здрави навики во новата година, ова е всушност одличен поттик да направите промени.
Пилинг на скалпот најмалку еднаш неделно
Покрај тоа, грижата за скалпот е подеднакво важна и вклучува повеќе од само шампонирање и нанесување на хранлив регенератор. Најмалку еднаш неделно потребно е да се направи хранлив пилинг кој ќе ги отстрани сите нечистотии од скалпот и ќе ја поттикне циркулацијата. Пилинг можете да направите сами, користејќи состојки кои сигурно ги имате во кујната, а најпопуларен секако е оној од шеќер и маслиново масло, кој овозможува одлична нега на скалпот.
Избегнувајте грубо третирање на косата
Исто така, она што не треба да се занемари е начинот на кој ја третирате косата, кој може да ја оштети без воопшто да сфатите. Честото врзување на косата и секојдневното обликување може да доведат до проретчување и пукање, поради што шишањето е неопходно.
Она што е важно за растот на косата се производите што ги имате во вашата колекција за нејзина нега, кои треба да бидат нешто помеки, без штетни и агресивни состојки, а не е на одмет да вклучите во вашата колекција производи кои имаат за цел да го стимулираат нејзиниот раст.