Кели Брук, модел и „сопственичка“ на совршено тело според студија од 2016 година, се присетила на минатото и изјавила дека „најмизерна била кога била најслаба“.
Таа додаде дека дури сега, на 43 години, се чувствува удобно во сопствената кожа.
Бев фотографирана речиси секој ден од мојот живот и навистина можам да ги видам доказите за тие несреќни времиња. „Гледам стари фотографии од себе и си велам: „Ох, тогаш бев навистина слаба“, а потоа се сеќавам дека бев слаба бидејќи нешто ми се случи“, изјави Кели за британските медиуми.
„Кога поминувате низ разделби и такви работи, тоа влијае на вашата исхрана. Бев најмизерна кога бев најслаба“, додава таа.
Нејзината самодоверба се изградила откако е во брак со Џереми Париси, како што самата тврди.
„Не случајно сум најсреќна во моето тело сега кога сум во брак, кога го работам она што го сакам со луѓето што ги сакам, кога сум малку постара и позрела и кога воопшто се е добро во моето семејство и сите се здрави“, заклучи таа.
Потсетуваме дека во 2016 година експерти од Универзитетот во Тексас објавија дека оваа британска манекенка и актерка има совршено тело, а магазинот FHM ја прогласи за најсекси жена.