Партнерите во емотивните врски не се секогаш сосема сигурни дали нивната врска се заснова на чиста љубов, страст или потреба од поддршка што ја добиваат од „другата половина“.
Ова не е само проблем со кој се соочуваат новопечените парови – тоа е исто толку распространето и во долготрајните врски.
Како ќе знаете дали мажот со кој излегувате е навистина заљубен во вас или поминува време со вас затоа што се чувствува безбедно и поддржано од вас?
Вистинскиот одговор на ова прашање ќе го добиете доколку внимавате на однесувањето на вашиот сакан, но и ако си одговорите на некои прашања.
За почеток, треба да знаете дека не сите парови комуницираат на ист начин, ниту пак ги искажуваат потребите и покажуваат благодарност на ист начин.
Пред да одговорите на прашањето дали мажот е заљубен во вас или дали му е потребна вашата помош и поддршка, треба да бидете сигурни дека ги поставувате вистинските прашања и дека ги прифаќате одговорите како што се кажани, а не како би сакале да ги слушнете..
Институтот за генетска енергија идентификува два стила на комуникација – структурен и фигуративен.
Структурниот стил се заснова на разбирање на комуникацијата, бидејќи личноста користи прецизни дефиниции. Во тој случај нема потреба да „читате меѓу редови“, доволно е внимателно да слушате што ви кажала вашата сакана.
Од друга страна, фигуративниот стил е поемотивен и личноста ја слуша емоцијата која ќе ја потврди вистината или важноста на она за што зборува.
Ако вие и вашиот партнер имате различни стилови на комуникација, големи се шансите да не се разберете и погрешно да го протолкувате тоа што сте си го кажале. Со тоа нема ни да бидете сигурни дали е со вас затоа што навистина ве сака или затоа што му треба вашата поддршка.
Во потрагата по вистинскиот одговор, бидете што е можно поискрени кога ќе си ги поставите следните прашања.
1. Дали ме цени?
Ако вашиот партнер постојано очекува да му помогнете, но никогаш не покажува благодарност или никогаш не покажува дека сте му важни, тогаш вашата емотивна врска е во неволја.
Исто така, сетете се дали вашиот маж некогаш направил нешто што вие не го третиравте како благодарност. Можеби сте го натерале сами да го промени своето однесување.
2. Дали ме сака?
За да го добиете точниот одговор на ова прашање, прво мора да дефинирате што значи „сакам“ од ваша гледна точка. Како и љубовта, дефиницијата на желбата може да се толкува од различни аспекти.
Ако вашиот маж непогрешливо го знае значењето на зборот „сакам“ од ваша гледна точка, и не се однесува на тој начин, јасно е дека вашата врска не е заснована на љубов.
3. Дали се разбираме?
Ако вие зборувате еден љубовен јазик, а вашиот маж друг, јасно е дека нема добро да се разберете. Ниту ќе знаете што му треба, ниту тој ќе знае како да ги исполни вашите емотивни очекувања.
Експертите советуваат да разговарате искрено, без воздржување и да покажете ранливост, бидејќи ова е начин да ја поттикнете „другата половина“ да се отвори.
Доколку и после тоа не го добиете она што јасно го побаравте од саканата личност во емотивна смисла, ќе бидете свесни дека вашата врска не се заснова на љубов, туку на неговата потреба за ваша поддршка.