Терапевтите кои се специјалисти за брак можат да се сметаат и како вистински стручњаци на полето на разводот. Да бидеме искрени, тие често се последниот избор на паровите кои се борат за опстанок на нивниот брак.
Како резултат на тоа, тие поседуваат богатство на знаење кога е во прашање разбирањето на она кое ги фрла сопружниците од колосек и ги тера да се разведат.
Според Кристин Давин, психолог од Њујорк, жените често се чувствуваат како „здраво за готово“ во брачниот однос и сметаат дека бракот е нивната одговорност во целост.
„За да успее бракот и двајцата сопружници треба да работат на него“ – вели Давин.
„Тоа бара, внимание, напор и меѓусебна комуникација, а на крајот на денот, многу жени се прашуваат зошто прават сè за своето семејство и каде е нивниот сопруг во сето тоа. По години неурамнотеженост, многу жени се прашуваат: Зошто воопшто да се трудам?“ – додава таа.
Многу жени, според овој психолог, се чувствуваат како невидливи во бракот и токму тоа ги тера да излезат од него.