На ТикТок кружи видео од Леонардо ди Каприо како танцува на забава во Мајами, а набргу по објавувањето тој стана предмет на потсмев поради неговите танцови потези.
Леонардо ди Каприо ужива во почетокот на оваа година поминувајќи го времето во Мајами, а за време на забава ги покажал своите танцови движења и бил снимен, па видеото се најде на ТикТок.
48-годишниот оскаровец може да се види во лежерно издание како „бавно се движи“ со капа на главата и цигара во устата. На себе имал и едноставна црна кошула со кратки ракави, сини фармерки и бели патики.
@livinmiami305 Leonardo DiCaprio just vibing in Miami at Gekko in Brickell 😂 More on IG – livinmiami305 📸: @Rocio Aghemo @Valentine #miami #miamiflorida #miamifl #onlyinmiami #brickell #brickellliving #brickellmiami #leonardodicaprio
Видеото од неговите движења набрзо стана популарно на ТикТок и достигна четири милиони прегледи, а во коментари многумина го споделиле своето мислење за неговиот „перформанс“.
Изгледа дека повеќето не биле импресионирани од неговите движења, а еден од следбениците се запрашал: „Зошто танцува како дедо ми?“.
„Тоа мора да било вечер за старци“, „Има движења како во филмот ‘Wolf of Wall Street’“, се дел од коментарите.