Повеќе нема да ги фрлате корите од компири
Печени, варени, како помфрит – едноставно, сите сакаат компири. За време на подготовката, излупената кора автоматски ја фрламе во ѓубре, но може да ви биде корисна.
Кората од компир е одличен сојузник во отстранувањето на ‘рѓата, бидејќи содржи оксална киселина, која позитивно влијае на нерастворливите соединенија на железо, со тоа што ги прави растворливи.
Потопете ги лушпите од компирите во вода – толку колку водата да ги покрие лушпите. Помалку вода ќе овозможи растворот на оксална киселина да биде поконцентриран. Оставете да отстои малку, а потоа отстранете ја кората. Измешајте ја водата од кората со сода бикарбона за да формирате паста.
Добиениот производ нанесете го на ‘рѓосаното место, а потоа оставете го да делува 20-30 минути. На крај измијте. Резултатите ќе ве воодушеват.