Дури и додека ги гледате најграциозните луѓе како ставаат маскара, ќе видите дека тоа го прават со отворена уста.
Затоа, нема исклучоци. Зошто е тоа така, објасни Бланка Коб, експерт за говор на телото.
– Феноменот отворена уста е потсвесно дејство. Не сте ни свесни дека тоа го правите.
Иако искривеното лице изгледа чудно, тоа всушност има цел. Секој кој некогаш случајно се допрел со четка за маскара во окото, знае дека тоа не е баш пријатно искуство. Затоа, кога ги потемнуваме трепките, се трудиме да ги направиме очите што е можно поотворени и смирени.
– Два различни нерви ги контролираат мускулите кои ја отвораат и затвораат вашата уста и горните очни капаци, а овие нерви се наоѓаат блиску еден до друг – истакнува Коб. – Водечката теорија за тоа зошто вашата уста се отвора кога нанесувате маскара се потпира на фактот дека овие нерви се вкрстуваат во една област. Откако ќе научите да нанесувате маскара така, тешко е свесно да го промените тоа однесување. Едноставно, вие само продолжете да ги шминкате очите со отворена уста.
Други експерти, пак, имаат поедноставно објаснување – кога устата е широко отворена, потешко трепкате, а со тоа и полесно нанесувате маскара. Има смисла, нели?