Експертите за здравје и убавина се залагаат за придобивките од студениот туш. Тоа значи капење во вода под 15 степени.
– Сфатете го тоа како мини-шок за вашиот систем. Кога сте во ладна вода, вашиот мозок е премногу зафатен со фокусирање на отстранување на непријатното чувство наместо да размислувате за сите причини поради кои сте несреќни или под стрес – изјави за „Vogue“ д-р Мајдолин Жаусе, специјалист по интерна медицина.
Поентата е дека тоа ви помага да заборавите на вашите проблеми, додаде таа.
Студиите покажаа дека ладното туширање може да помогне во зголемување на ендорфините, забрзување на метаболизмот, зајакнување на имунолошкиот систем, промовирање на здраво слабеење, подобрување на циркулацијата, намалување на воспалението и отокот, борба против симптомите на депресија и намалување на болката.
Некои, исто така, тврдат дека студената вода може да даде поттик за убавина со затегнување на порите и додавање сјај на вашата коса.
– Ладниот туш може привремено да ги затегне порите и да ви помогне да ги задржите природните масла во кожата и косата – потврдил за „WebMD“ доктор Махамад Џубер, специјалист по фармакологија.
Експертите препорачуваат туширање со ладен туш попладне или навечер, забележувајќи дека температурата на нашето тело е најниска наутро.
Д-р Џоше ве советува да земете длабок здив и да се истуширате за рамномерно да ја распоредите водата на вашето тело. Професионалците често препорачуваат да започнете само со неколку секунди и секој пат да додавате уште пет на времето кое го поминувате под ладна вода.
Повеќето луѓе не знаат дека ладниот туш може да го намали кортизолот што навистина може да помогне со работи како анксиозност, депресија, па дури и зависност.
Не само што здравствените работници ги рекламираат придобивките од терапијата со ладна вода – познати личности, вклучувајќи ги Хејли Бибер, Дрејк и Ким Кардашијан, исто така се поборници на методот. Сепак, оние со респираторни предизвици како астма; кардиоваскуларни состојби; хипертензија; или други проблеми поврзани со срцето, треба да бидете внимателни и претходно да се консултирате со лекар.