Доколку користите машина за миење садови, треба да знаете дека во неа можете да ставите кора од лимон или цело парче од ова овошје. Лимонот ќе помогне во подобро миење на садовите, а воедно ќе даде дополнителна свежина.
Ако немате лимон, можете да користите било кое друго цитрусно овошје. Овошјето како што се лимоните, портокалите, грејпфрутите и слично содржат лимонска киселина, која добро чисти. Оваа киселина е позната како природно средство за чистење и совршено ги раствора честичките од детергентот, така што нема да останат дамки од вода или течност за миење на садовите. Покрај тоа, лимонската киселина е одлична и за полирање и дезинфекција.
Лимонот има антибактериски својства, така што ќе помогне да се убијат бактериите, да се дезинфицираат садовите, а исто така е ефикасен во борбата против наслагите од бигор. Покрај тоа, како природен благ одмастувач, лимонот помага да се отстранат тврдоглавите наслаги на маснотии на садовите.
Сепак, бидете внимателни кога користите лимони во машина за миење садови. Познато е дека лимонската киселина може да ги оштети алуминиумот и сребрените садови и може да предизвика бледнење на садовите со шари. Затоа, не ставајте често кора од лимон во машината за перење кога миете вакви садови. Од друга страна, кората од лимон ќе направи чуда за бакарните садови.