Пробајте го трикот на искусните градинари
За време на студените денови, смрдливките бараат топли и суви места, па влегуваат во нашите домови за да се скријат од студот и да ја преживеат зимата.
Тие влегуваат во куќите и становите преку пукнатините на фасадата или кој било простор кој не е добро изолиран, па прво што треба да направите за да не влезат во вашиот дом е да ги поправите сите надворешни оштетувања.
Градинарите знаат трик со раствор од сода бикарбона во вода, со кој ги прскаат растенијата, а луѓето веруваат дека смрдливките бегаат од мирисот на лук и нане, па затоа овие намирници треба да се стават во близина на влезните врати, прозорци и други места низ кои досадните бубачки можат да поминат.
Друга, а можеби и подобра опција е да истурите неколку капки етерично масло од пеперминт во вода и да ги испрскате прозорците, влезните и балконските врати однадвор.
Смрдливка во домот
Не ја убивајте и не ја плашете на никаков начин, бидејќи кога ќе се почувствуваат загрозени, смрдливките испуштаат одвратен мирис. Не допирајте ја со раце, туку земете хартија или ракавици, нежно фатете ја и исфрлете ја.