Синоќа во Лос Анџелес се одржа светската премиера на долгоочекуваниот филм „Барби“, а секако најголемо внимание привлече главната актерка Марго Роби.
И покрај тоа што многумина очекуваа таа да се појави на розовиот тепих во иста нијанса на фустан, Марго се одлучи за црна тоалета со која секако ѝ оддаде почит на најпопуларната кукла на светот.
Имено, црниот фустан со светки, кој е припиен до телото, а завршува со карнер направен од неколку слоеви тул, е инспириран од куклата Барби од изданието „Solo in the Spotlight“, која датира од 1960 година.
Како и куклата што ја „копираше“, Марго стајлингот го комплетираше со црни кадифени ракавици до рамо, дијамантски ланче, а имаше и розов шал од тул.
Актерката го заокружи изгледот со црни сандали на високи потпетици од брендот Маноло Бланик, а нејзината коса и шминка беа во стилот на златната ера на Холивуд. Со елегантно опавче и високи исчешлани шишки, Марго изгледаше како вистинска жива барбика.