Кејт Мидлтон е синоним за женственост и елеганција. Навикнати сме да ја гледаме принцезата од Велс во фустани, здолништа и беспрекорни костуми, но овој пат таа навистина не изненади.
Таа утринава посети област за воена обука во Вилтшир за да се сретне со членовите на ирската гарда на првиот баталјон за прв пат откако стана нивни полковник.
И покрај зимското време, принцезата не ја симна насмевката од лицето.
Кејт своите потпетици ги замени за длабоки зимски чизми, здолништето за панталони во маслинесто зелена боја, а свилената блуза за ролка и војничка јакна.
Таа, исто така, набљудуваше медицинска обука и вежби за жртви кои вклучуваа брифинг за експлозивни средства.
За време на обуката, Кејт научила како да ги третира ранетите на бојното поле, а посетата завршила со принцезата како гледа демонстрација на системот за оружје што го користела ирската гарда.
Кејт последен пат беше видена во воена опрема на Денот на вооружените сили на ОК.
По тој повод објави и фотографија на официјалниот Инстаграм профил од неа и Вилијам.
– Денеска на Денот на вооружените сили, Вилијам и јас сакаме да им оддадеме почит на храбрите мажи и жени, во минатото и сегашноста, кои служат во сите наши вооружени сили, на море, на копно и во воздух, овде во ОК и околу светот. Ви благодариме за сето она што вие и вашите семејства го жртвувавте за да не чувате безбедни – се вели во соопштението.
