Погледнете кој се најде на врвот на најдобро облечените славни парови!
Кога си јавна личност,се следи секој чекор,твоето однесување,па и облеката,затоа што никогаш не знаеш на кое ќоше ќе наидат папараците.Еве зошто многу познати фаци внимателно избираат комбинации на облека,особено ако се во пар.Некои имаат дури и лични стилисти,додека други се стремат да привлечат внимание на секој можен начин со својот необичен стил
Кој славен пар е најдобро облечен? Модната куќа “Karen Millen” успеа да одговори на тоа прашање.Таа направи листа на најдобро облечени парови врз основа на анализа на повеќе од пет милиони објави (фотографии) на социјалните мрежи.Избрани се 10-те најстилски модни тандеми.
Според истражувањето на овој бренд, јавноста најмногу го одобрила стилот на многу влијателен пар. Убедлива победа извојуваа кралската двојка Кејт Мидлтон и принцот Вилијам со максимален резултат 10 од 10.
Луѓето на интернет ги пофалија класичните фустани, палта и костуми што ги носеше Кејт Мидлтон, додека Вилијам беше пофален за неговите „полежерни, но елегантни костуми“. Интересот на луѓето за нивниот начин на облекување е дури 94 отсто поголем од интересот кај другите парови.„И покрај тоа што модните магнати како Викторија Бекам и Џиџи Хадид се најдоа на листата,излегува дека гардеробите на принцот Вилијам и Кејт Мидлтон привлекуваат многу повеќе внимание од која било друга позната двојка.
Кејт и Вилијам успеаја да ги засенат Меган Маркл и принцот Хари,како и Викторија (која важи за стилска икона) и Дејвид Бекам. На второ место се најде младата брачна двојка Хејли и Џастин Бибер.
Погледнете ја листата на топ 10 најдобро облечени славни парови:
Кејт Мидлтон и принцот Вилијам: 10/10
Хејли и Џастин Бибер: 6,1 /10
Кендал Џенер и Бед Бани: 2,5 /10
Тејлор Свифт и Тревис Келче: 2,1 /10
Меган Маркл и принцот Хари: 1,5 / 10
Тејлор Расел и Хари Стајлс: 1,4 /10
Џиџи Хадид и Кол Бенет: 1,1 / 10 (моделот сега е во врска со Бредли Купер)
Кајли Џенер и Тимоти Шаламет: 1,0 /10
Викторија Бекам и Дејвид Бекам: 0,8 /10
Аријана Гранде и Итан Слејтер: 0,7 /10