Летото сè уште трае, но веќе почнуваме да размислуваме за преодниот период и есенската сезона, а има модели на обувки кои се толку практични што можете лесно да ги носите во средината на август и во октомври.
Летото е време за сандали, папучи и еспадрили, но секогаш е добро да имате сигурен пар чевли за сите прилики. Меѓу нив можете да најдете многу варијанти кои се погодни за секое време од годината, освен за снежните и дождливите денови, а еден од безвременските трендови секако се чевлите Мери Џејн.
Овој модел на рамни чевли често и со задоволство ги носи Алекса Чанг, една од највлијателните трендсетерки на денешницата и негува стил кој претставува микс на актуелните модни трендови и класиците од шеесетите. Неодамна, таа носеше многу шик чевли Мери Џејн украсени со животински дезен со фармерки со широки ногавици.
Овој безвременски модел во последните години се најде во колекциите на многу големи куќи, а само неколку од нив се Шанел, Гучи, Версаче, Миу Миу…
View this post on Instagram
Се произведуваат со различни форми, со платформа или низок ѓон, мала потпетица, рамна или со стабилна блок-пета. Она што секогаш ги карактеризира е пристојното ремче преку стапалото, што ги прави многу шик избор.
Како што обично се верува, овој модел потекнува од втората половина на 19 век, односно од времето на шпанската кралица Мерседитас, сопругата на кралот Алфонсо XII. Марија де лас Мерцедес де Орлеанс се омажила за кралот во 1878 година, а починала само пет месеци по венчавката.
View this post on Instagram
Оваа тажна љубовна приказна стана легендарна во Шпанија и инспирираше многу песни и слики, а набрзо се рашири приказната за прекрасните лакирани чевли што кралицата ги носеше кога го кажала судбоносното „да“.
Неколку децении подоцна, во 1904 година, овој модел беше издаден под името Мери Џејн, а на светот му беше претставен од компанијата Brown Shoe од Мисури. Слаткото име на чевлите потекнува од Мери Џејн, девојката во која се вљубил популарниот стрип херој од тоа време, Бастер Браун.
Набрзо станаа еден од водечките трендови во женската мода во Америка, а потоа во текот на 20-тите и 30-тите години ја освоија париската сцена, а потоа и цела Европа.