Конечно сте задоволни од изборот на костим за капење ова лето, па би сакале тој да ви потрае барем до следниот одмор? Еве што треба да направите.
Секоја дама знае дека чувствителната ткаенина на костимот за капење се уништува од топлина, сонце, средства за потемнување, морска вода, а несоодветното одржување исто така предизвикува дополнителна штета. За да блеснете во омилениот костим за капење следното лето, погледнете ги советите како да го одржувате.
* Исплакнете го костимот за капење темелно во чиста, млака вода за да ги отстраните сите траги од сол или хлор. Потоа измијте го во благо средство, по можност шампон за коса или сапун. Не го виткајте со раце за да не се скрши ластикот во ткаенината, туку завиткан во крпа.
* Ако морате да го перете во машина, не ставајте го само во полн барабан бидејќи ќе се заплетка околу другите алишта и лентите ќе се истегнат. Ставете го во кеса за перење и измијте го на програма наменета за чувствителна облека, на максимум 30 степени.
* Не се препорачува сушење на костимот за капење на директна сончева светлина или закачување на жица. Доколку е можно, исушете го на рамна површина во сенка, бидејќи ако го оставите на директна сончева светлина, бојата ќе му избледи. И колку и да брзате, никогаш не го сушете во машина за сушење алишта.
* Ако дамката на костимот е влажна, нежно отстранете ја тапкајќи со чиста крпа или памук, а потоа измијте ја рачно кога ќе се вратите дома. Не гребете ја сувата дамка бидејќи ќе ја оштетите бојата.
* Песочните плажи се прекрасни, но што е со сите оние ситни зрнца песок што влегуваат во вашата ткаенина и не можете да се ослободите од нив? За почеток, натопете го костимот во млака вода и оставете го неколку часа, а потоа измијте го на рака. Ако тоа не помогне, почекајте да се исуши целосно, а потоа отстранете ги ситните зрнца песок со помош на фен. Проверете дали фенот за коса е поставен на ладен воздух.