Користете ги средствата што ги имате дома
Ако некогаш сте се соочиле со мрсни дамки на ѕидовите, тогаш знаете колку можат да бидат здодевни и да го расипат изгледот на собата.
Дамките од масло прават секој ѕид да изгледа неуредно и сиво, без разлика на бојата. Сепак, има решение и за нив.
За да ги отстраните мрсните траги од ѕидовите, потребни ви се само неколку работи кои сигурно ги имате дома.
- Сода бикарбона
Една опција е чистење со сода бикарбона или пченкарен скроб, кој ќе го впие маслото. Едноставно посипете сода бикарбона над дамката и оставете ја да отстои неколку часа пред нежно да ја избришете областа со влажна крпа.
- Детергент за миење садови
Втора опција е да нанесете детергент за садови директно на дамката и да ја оставите да отстои еден час. За дополнителна помош, измешајте го со топла вода и нежно исчистете ја дамката.
Детергентот за садови содржи средство за одмастување, па често нема да ви требаат други средства за отстранување на мрсни дамки од ѕидови, гардеробата или мебелот.
- Оцет
Оцетот може брзо да ги отстрани дамките од масло бидејќи ја разградува маснотијата. Измешајте оцет и вода, а потоа натопете ја дамката од масло со сунѓер или крпа. Само не заборавајте да го исплакнете ѕидот темелно потоа за да го избегнете долготрајниот мирис на оцет.
Со овие едноставни решенија веројатно ќе се ослободите од наглите „промени на бојата“ на ѕидовите, бидејќи тие секогаш ќе изгледаат чисто и свежо, пренесува „Merymaids.com“.