Бојата на облеката што ќе ја изберете зависи од бојата на вашата коса, тен и личните афинитети. Модерна боја на облека можеме да прифатиме само ако сме сигурни дека ни одговара.
Ќе наведеме кои бои одредени типови на жени никогаш не треба да ги носат или, уште подобро, кои бои можете да ги носите во секој случај.
Црнокоси – без многу размислување можат да прифатат бела, беж, светло зелена, сива, окер, жолта, розова, портокалова, тиркизна, виолетова.
Плавуши – најдобро изгледаат ако носат бела, сина (во сите нијанси), розова, светло и темно сива, кафена, светло и темно зелена, тиркизна и црна боја.
Бринетите и црвенокосите жени треба да се одлучат за светло и темно зелена, сите нијанси на сина, бела, виолетова, црна.
Жени во зрелите години треба да избегнуваат светли бои, нијанси на лазурно сина и розова, но и некои пастелни тонови кои не и прилегаат на нејзиниот тен и коса. Белата боја одговара на сите типови на жени, дури и на зрелите жени.
Постарите жени ја сакаат виолетовата боја и со право, бидејќи виолетовата одлично оди со седата коса и проѕирен тен. На жените со седа коса и тен кој повеќе не поднесува интензивна шминка најмногу им одговараат металните, пепелни бои – за денот, а бисерните и гулаб сините бои за вечерта. Им одговараат и кафените нијанси, под услов тенот да биде свеж.