Готски стил или омаж на Моника Белучи?
Ким Кардашијан (42) веќе извесно време е заштитно лице на модната куќа Долче Габана, а оваа соработка предизвика несогласувања и со сопствената сестра Кортни.
Старлетата последниве денови ужива во Пуља и шармот на Италија со нејзината мајка Крис Џенер. Повод за нивното патување беше претставувањето на новата колекција на брендот, која беше на сосема оригинален начин. Улиците на овој каракеристичен италијански град послужија како сценографија за шоуто.
Модното дуо ја облече старлетата во неколку изданија, а по раскошниот бордо фустан, Ким се појави во црна боја од глава до пети, дури во еден момент носеше превез на лицето. Единствените златни детали кои го разбија овој монохроматски изглед беа златните траки на корсетот и преголемиот крст што ѝ лежеше преку градите.
Ким одеше рака под рака со дизајнерот Доменико Долче и нејзината мајка.