Пејачката сака некој кој ќе биде со неа секој момент.
Поп ѕвездата Кајли Миног објави оглас во кој бара батлер, ни помалку ни повеќе.
Според извештаите, тој ќе мора да ги следи нејзините стапки – освен што ќе живее со неа кога ќе помине време во Австралија, Велика Британија или Америка, ќе мора и да патува со неа.
Нејзиниот услов е батлерот да биде и сомелиер, односно добар познавач на виното,кој со одредено јадење ќе може да и го предложи најдоброто вино на пејачката.
Кајли најмила агенција која ќе ѝ најде врвен батлер,а таа нема да штеди пари за него.Како што е наведено,таа за него ќе издвои дури 55.000 фунти,односно речиси 64.000 евра годишно.
Кајли, инаку, на почетокот на оваа година ја раскина петгодишната врска со поранешниот креативен директор на GQ, Пол Соломонс.Проблемот беше што таа сакаше да поминува повеќе време во нејзината родна Австралија, додека тој остана во Велика Британија и не сакаше да се пресели.