Кејт Мидлтон е една од оние дами кои по неколку пати слободно се појавуваат во јавноста во ист фустан, бидејќи знае дека главната работа се деталите. Таа денеска беше на саемот за цвеќе, а за оваа прилика го одбра вистинскиот пролетен фустан.
Кејт минатата година веќе го носеше розовиот макси фустан кој чини нешто повеќе од 500 евра.
Фустанот со долги ракави беше хит за оваа прилика, а ременот околу струкот дополнително визуелно ја издолжи витката фигура на Кејт.
Она што сите вљубеници во модата го забележаа покрај фустанот е изборот на чевли кои ги облече Кејт.
Имено, таа носеше сандали со плута кои се врзани на зглобот и веруваме дека девојките ќе ги носат и оваа пролет и лето.
Оваа комбинација Кејт ја комплетираше со висечки обетки во форма на папрат.
Принцезата малку ја завитка долгата коса, а шминката како и секогаш беше дискретна.
