Актерката Ким Катрал е една од оние ѕвезди кои сакаат да се појавуваат во медиумите само кога имаат нов проект за промоција. Таа е доста вешта и во избегнување на љубопитните папараци кои овој пат успеале да ја фатат додека се шетала во Њујорк.
Во друштво на својот партнер Расел Томас, со кого е во врска седум години, Ким Катрал отиде на шопинг.
За лежерно излегување избрала удобен аутфит во неутрални тонови, идеален за извршување на секојдневните задачи. Таа носела бели панталони со класичен крој и предимензионирана беж кошула со голем црн ремен околу половината.
Наместо штиклите во кои секогаш ја гледавме во периодот на работа на франшизата „Сексот и градот“, во која ја отелотворуваше легендарната Саманта Џонс, актерката се одлучи за еден од најудобните модели на обувки.
Станува збор за мокасини, модел на чевли кој и понатаму предизвикува поделени мислења меѓу жените ширум светот. И додека некои дами едноставно ги сакаат поради нивната удобност и разноврсност, има многу кои не ги сакаат.
Критичарите на мокасините најмногу го критикуваат нивниот изглед и не ги сметаат за женствени како, на пример, балетанките, кои многу почесто ги избира понежниот пол. Мислењето на љубителите на високи потпетици за мокасините не треба да се разјаснува – тие ги избегнуваат повеќето чевли со рамен ѓон.
Ким сè уште сака да носи штикли во повеќе свечени прилики или во деловни прилики, како што се телевизиските настапи, но затоа е верна на поудобните чевли во приватно време.
