Холивудскиот актер Кијану Ривс ги воодушеви обожавателите на промоцијата на својата книга стрипови во Лос Анџелес. Момчето по име Ноа, кое има девет години, дошло кај Ривс и му кажало дека тој му е најомилен актер на светот, а Кијану веднаш започнал разговор со него.
Keanu Reeves meets 9-year-old superfan Noah at a surprise BRZRKR signing in LA! pic.twitter.com/DQ0ATnnKT9
— IGN (@IGN) April 25, 2023
Ривс му се заблагодарил за поддршката, а потоа го прашал дали се сеќава на Дјук Кабум од анимираниот филм „Toy Story 4“ од 2019 година, ликот на кој што тој му го позајмил гласот.
Момчето рекло дека тоа е неговиот омилен лик, а потоа Кијану проговорил во гласот на војводата Кабум и го воодушевил него, но и многу луѓе на Твитер, а видеото собрало речиси три милиони прегледи.
Видеото од нивната средба се прошири на социјалните мрежи, а многумина напишаа дека „на светот му требаат повеќе луѓе како Кијану“.
„На светот му требаат повеќе луѓе како Кијану“, „Тој се однесува прекрасно во присуство на деца“, „Кијану е единствениот вистински GOAT“, „Тој секогаш е толку искрен, скромен и приземјен“, „Тој е многу добар човек“, „На него дека е добар човек“, се само дел од коментарите под видеото.
Ова не e првпат славниот актер да ги воодушеви своите обожаватели со ваквиот пристап. И претходно ги изненади со постапки кои покажаа колку ги цени. Токму затоа многумина го нарекуваат еден од најљубезните луѓе во Холивуд.
Пред неколку недели, Кијану ги изненади вработените во еден британски паб, кои приказната ја споделија на својата фејсбук-страница.
„Денес имавме изненадувачки гостин на ручек. Колку убав човек. Го прашавме дали би сакал да се фотографира со екипата од кујната, а тој веднаш влезе во кујната, им подаде рака на сите и ја пофали храната“, напишаа тие.