Обично кога сме уморни, а очите полека ни се затвораат, имаме навика да ги триеме со раце за да ги исчистиме. Некои го прават тоа и кога ќе им влезе прашина или шампон во очите. Сепак, можеби е време да престанете да го правите тоа…
Еден доктор попознат на Интернет како д-р Брајан Боксер Вахлер неодамна објасни што е проблемот со оваа навика. Тој објави слика од очите од магнетната резонанца во моментот кога пациентот ги трие со рацете. На него јасно се гледа како очните јаболка видно се движат и навлегуваат во шуплината и на овој начин дополнително се нагмечуваат…
„Не ги тријте очите, особено ако имате кератоконус, кој може да ја влоши состојбата“, напишал докторот под видеото.
Патем, кератоконусот е болест на окото, односно на рожницата, кај која рожницата е во облик на чаша (нормално е како полумесечина). Нарушувањето во обликот на рожницата го нарушува правилното прекршување на светлината во окото и предизвикува нарушување на видот. Покрај можното оштетување на окото, триењето со валкани раце може да доведе и до инфекција.
„Изгребана или тенка мембрана го прави окото повеќе склоно кон инфекции, вклучително и габични инфекции. Иако окото има неверојатни заштитни мерки – веѓите, долните и горните трепки и влажен систем за плакнење што се активира секогаш кога ќе трепнете – тоа не е имуно на инфекција.
@brianboxerwachlermd please don’t rub your eyes especially if you have Keratoconus which can make it worse #keratoconus #eyes
„Доколку вашите очи се воспалени и изгребани или ако „погрешните“ бактерии се префрлаат од вашите раце на вашите очи, постои поголем ризик од инфекција на очите“, објаснуваат експертите и додаваат некои од најчестите бактериски инфекции кои се јавуваат кога валканите раце ги допираат очите:
1. Стафилокок
2. Стрептокок
3. Салмонела
4. Ешерихија коли
Покрај горенаведеното, триењето на очите може да предизвика глауком, кој е водечка причина за губење на видот. Може да се појави на која било возраст и влијае на оптичкиот нерв во задниот дел на окото.