Доколку имате гости, ви предлагаме да направите баунти колач кој не се пече и ќе имате вкусен десерт.
Состојки:
200 гр бисквити од какао
230 гр путер + 1 лажица масло
500 мл кокосово млеко
250 мл слатка павлака
220 гр шеќер
60 гр кокосово брашно
80 гр гриз
200 гр кокос
100 гр кокосово масло
100 гр млечна чоколада
Подготовка:
Бисквитите изблендирајте ги, па помешајте ги со 80 гр растопен путер и убаво измешајте. Калапот обложете го со хартија за печење, па истурете ја смесата со бисквитите и добро притиснете.
Во тенџере измешајте го кокосовото млеко со слатката павлака (200 мл), а кога ќе се загрее додадете ги шеќерот, брашното, гризот и кокосот.
Варете со постојано мешање додека не се згусне филот. Исклучете го шпоретот, додадете путер (150 гр) и кокосово масло и мешајте додека не се соединат сите состојки.
Прелијте преку бисквитите и измазнете. Чоколадото растопете го со слатката павлака (50 мл) и лажица путер, па врз филот прелијте ја чоколадната глазура. Десертот треба да се олади во фрижидер преку ноќ.
Пријатно!