Не е потребно толку време за да се вари едно јајце. Се што ви треба се десет минути, шпорет и сад со вода. Но, знаете колку долго траат откако ќе ги зготвите?
Според експертите на американскиот одбор за јајца, тврдо варено јајце можете да го чувате во лушпата (т.е. не излупено) до една недела во фрижидер. Излупеното тврдо варено јајце, сепак, треба да се јаде истиот ден кога ќе се излупи.
Министерството за земјоделство на САД (USDA) објаснува:
– Кога јајцата во лушпата се тврдо варени, заштитната обвивка се измива, оставајќи ги порите во лушпата отворени за бактерии да навлезат и да ја контаминираат. Ова значи дека тврдо варените јајца нема да траат толку долго како суровите, нескршени јајца во фрижидер.
Како безбедно да чувате тврдо варени јајца
За да бидете сигурни дека тврдо варените јајца што ги чувате за да ги јадете подоцна се безбедни, USDA препорачува брзо да ги изладите во ладна вода и мраз веднаш штом ќе ги сварите и да ги ставите во фрижидер во рок од два часа по готвењето.
Никогаш не оставајте варени јајца надвор од фрижидер повеќе од два часа или повеќе од еден час кога температурите се над 30 степени. Бактериите можат да се формираат многу брзо.
Тоа значи дека ако донесете тврдо варено јајце на работа како дел од вашиот ручек, задолжително ставете го во канцеларискиот фрижидер веднаш штом ќе стигнете на работа.
Дали можете да замрзнете тврдо варени јајца за подолго складирање?
Не замрзнувајте тврдо варени јајца. Американскиот одбор за јајца, производителите на јајца од Канада и USDA не препорачуваат замрзнување на тврдо варени јајца бидејќи „тврдо варените цели јајца и белките стануваат цврсти и водени кога ќе се замрзнат“, пишува Yahoo.