Мажот може да биде задоволен и за неколку минути, но кај жените е тоа поинаку. Колку би требало сексот да трае, поточно колку мажот би требало да „издржи“ за односот да им донесе задоволство и на двете страни? Дали времето воопшто треба да биде фактор за мерење на успешноста на сексуалниот однос? Науката се обидела да одговори на овие неколку прашања со цел да ни даде неколку бројки според кои би можеле да се водиме.
За поголемиот дел од мажите, сексот трае кратко. Според истражувањата, од моментот на пенетрација до оргазмот на мажите им се потребни помеѓу 4 и 7 минути, во најдобар случај 10 минути. Но, за жените ова време е прекратко. Експертите сметаат дека вистинската мерка за жените е помеѓу 7 и 13 минути. Според мислењето на сексуалните терапевти, 7 минути е во ред, додека 13 минути се крајниот посакуван резултат каде што и двете страни ќе бидат целосно задоволни.
За квалитетен сексуален однос, кој ги задоволува и двете страни, експертите советуваат:
- Не ја игнорирајте предиграта – Повеќето жени сметаат дека предиграта би требало да трае многу подолго, додека мажите често ја игнорираат. Нежно потсетете го вашиот партнер дека и таа е важен дел од сексуалниот однос. Додека мажите се визуелни типови и допирот најчесто не им е потребен, жените сепак преферираат стимулација со допир која максимално ќе ги возбуди.
- Разбудете ја вашата авантуристичка страна – Секој пар во својот сексуален живот треба да вложи што повеќе флексибилност и фантазија бидејќи на тој начин сексот ќе биде многу подобар и ќе трае многу подолго од просекот.