Жените повеќе би сакале да слушнат дека изгледаат млади отколку дека ослабеле и дека нивните нови фармерки совршено им стојат.
Новото британско истражување покажало дека дури 60 отсто од анкетираните жени сакаат да слушнат дека изгледаат младо, а тоа е комплиментот кој најмногу ќе им даде „ветар во грбот“ на нивната самодоверба.
Исто така, 41 отсто од испитаниците навистина сакаат да бидат помлади, додека 62 отсто од нив активно работат на забавување на процесот на стареење користејќи различни природни и козметички производи.
Истото истражување покажа дека жените на возраст од 39,5 години чувствуваат најголем стрес поради стареењето бидејќи го мразат својот 40-ти роденден. За разлика од нив, жените кои наполниле 55 години добиваат најголема доверба во својот изглед.