Водата носи кислород до клетките на нашето тело и на тој начин му овозможува да функционира. Не случајно лекарите секогаш им препорачуваат на пациентите да не забораваат редовно да пијат течности бидејќи тоа е најсигурниот начин за зајакнување на нивниот имунитет. Водата за пиење е особено неопходна за да се избегнат инфекции на мочниот меур и бубрезите.
Водата е неопходна за нашата концентрација
Нашето тело се состои од 75% вода, а оваа супстанца сочинува 85% од мозокот. Ако мислите дека ќе делува подеднакво добро ако сте дехидрирани, вие сте во голема заблуда. Поради оваа причина, не е тешко да се разбере зошто честото внесување вода е пресудно за добра концентрација.
Водата е нашиот најголем сојузник во борбата против главоболката
Дехидрацијата на телото може да предизвика главоболки, а понекогаш и несвестица. Во такви ситуации, нема ништо подобро што можете да направите за вашето тело од пиење чаша вода. За да ги избегнете овие заболувања, се препорачува да консумирате најмалку 2 литри вода дневно.
Колку повеќе вода пиеме, толку поздраво ќе биде нашето срце
Дали знаевте дека крвта содржи 84% вода? Тоа значи дека кога сте дехидрирани, крвта станува погуста, па срцето мора да работи понапорно за да може да тече низ телото. Тоа секако не е добро и води до сериозни болести. Не дозволувајте да влезете во таква ситуација, туку донесете одлука токму сега дека ќе внесете значително повеќе вода во вашето тело.
Водата ја регулира температурата на нашето тело
Водата е неопходна за регулирање на температурата на човечкото тело. Кога губиме многу вода со потење по напорен тренинг или за време на летните горештини, важно е овој недостаток да го надоместиме што е можно поскоро со внесување течности, а најдобро би било да се одлучиме за обична вода во такви случаи.