Британската кралица Камила ја посети Британската тркачка школа во Њумаркет, по повод 40-годишнината од нејзиното отворање.
Иако сме навикнати на тоа дека принцезата Кејт избира гардероба специфична за пригодата, па не нè чуди кога ќе избере војнички принт за присуство на воени вежби, карго панталони и карирана кошула за еден ден во природа и слично, кралицата Камила сè уште се држи до својот стандарден моден избор.
Таа избра миди фустан со цветен принт, во маслинеста и светлосини тонови, а бојата беше придружена со сако со уникатен дизајн, со рабови по целата должина и ракави, кои формираа овални форми на краевите.
Жените на возраст од Камила обично избегнуваат такви принтови и се држат до основните бои. Сепак, овој фустан во А линија е совршен начин да ги вклучите цветните мотиви во вашиот дневен изглед.
Постарите дами треба да носат цветни фустани, но треба да имаат на ум неколку работи.
Прво, треба да избегнуваат цветни фустани со „накитени“ и големи дезени. Мали и дискретни како на фустанот на Камила, тие се хит.
Второ, треба да изберат фустан со позрела силуета, како на пример А-линија или оние кои се стеснати на половината.
Трето, треба да изберат фустан во пригушена палета на бои, кој може да го разбијат со детали во форма на чевли или накит во малку појаки бои. Следејќи ги овие упатства, па ќе можете да носите цветни фустани со самодоверба и стил.
