Холандската кралица Максима е често на врвот на листите за најдобро облечени, а како да не биде, со нејзината доза на женственост и добар моден вкус.
Оваа жена знае се да изрази, а нејзиниот елегантен стил никогаш не зрачи досада туку инспирација.
Кралицата прошета низ Милано, а причината за нејзината посета на овој италијански град на модата беше Неделата на дизајнот.
Максима се појави во многу необичен кафен капут со кружни отвори, кој откри небесно сина блуза и панталони.
Кожените чевли во иста боја како палтото одговараа на аутфитот, а 51-годишната кралица носеше златни обетки и очила во ист тон како аксесоарите.
Нејзината коса беше совршено стилизирана, а шминката имаше нежни нијанси.
